Во сабота, 28ми ноември, Интернационалната џудо федерација ќе одбележи 40 години од оддржувањето на првото светско првенство во џудо за жени.

Прославата на јубилејот ќе биде одбележана со две панел дискусии со дел од учесниците од светското првенство кое во сега веќе далечната 1980 година се одржа во Њујорк, Соединетите Американски Држави. Првата панел дискусија ќе биде стримувана на социјалните медиуми на Интернационалната џудо федерација во сабота, 28ми ноември со почеток од 18 часот, додека втората ќе може премиерно да се погледне во недела, 29ти ноември во 11 часот по македонско време.

Истовремено на сајтот на Интернационалната џудо федерација е поставена онлајн изложба на фотографии од учеснциите, борбите и резултатите од самиот шампионат. Изложбата може да се погледне на следниот линк: https://www.ijf.org/competition/2170/photos