ПОЛАГАЊЕ ЗА ПОЈАСИ ВО БИТОЛА

Во неделата, 30 јуни 2019 година во Битола во организација на Џудо федерацијата (ДАН КОМИСИЈА) и техничка организација на џудо клубот „Пелистер“ се одржа  полагање за Прв КЈУ кафеав појас и црн појас 1 ДАН.

За полагање пријавени беа вкупно 5 кандидати и тоа три за кафеав појас 1 КЈУ и два за Црн појас 1 ДАН. Во прилог се резултатите од спроведеното полагање:
Кафеав појас 1 КЈУ положен прв циклус (ПОТВРДА):
1. Теодора Ристеска

За кафеав Појас 1 КЈУ (ДИПЛОМА) положиле следните канидати:
1. Михаел Конески
2. Тале Трајковски

За црн Појас 1 ДАН  (ДИПЛОМА) положиле следните кандидати:
1. Христијан Рајков
1. Стефан Бојаџиев

Џудо федерацијата и ДАН комисијата им честитаат на сите кандидати и им посакуваат успех во понатамошната работа во своите клубови.

На полагањето му претходеше состанок на ДАН комисијата на која меѓу другото беше дискутиран предлогот за воспоставување соработка на ДАН комисијата со ДАН комисиите од соседството со цел унапредување на работата на комисијата. Исто така беше разговарано и за Семинар за подготовки за полагање на ДАН и 1 КЈУ, со цел доедукација и укажување на евентуалните недоследности на кандидатите.

 

Младите џудисти од ЏК „Гладијатор“ – Кочани полагаа за појаси

Трисетина млади џудисти од Кочани и Зрновци кои се членови на ЏК „Гладијатор“, беа кандидати на испитното полагање за појас што во саботата, на 18 мај се одржа во салата на ОУ „Синиша Стоилов“ во Зрновци.

Најголем дел од нив беа на училишна возраст и полагаа во неколку категориии, односно од жолт до зелен појас. Тоа значи дека за повеќето полагањето беше првиот чекор во напредувањето и изучувањето на вештините на џудото, а од кочанскиот клуб изразија задоволство од прикажаното и подготвеноста на кандидатите.

– Според новиот правилник на ДАН комисијата при ЏФМ, полагањето ќе го води и надгледува тричлена клупска комисија и плус претставник од ДАН комисијата. Сето ова се прави и организира со цел да се поткрене нивото и квалитетот на самото полагање, односно појасите да бидат според заслуга.  Вакви полагања се организираат двапати годишно, во пролетниот и есенскиот дел, ние ги организираме постојано, а според резултатите што претходно ги имаат покажано децата, како напредуваат на самите тренинзи, зависи и бројката. Еве сега, имаме бројка од над 30 полагачи, рече Вера Шеќероска, претседател на ЏК „Гладијатор“.

Иако во регионот џудото е релативно нова вештина што ја учат младите, сепак со работата на ЏК “Гладијатор“ во изминатите околу три години веќе се постигнати видливи резултати, како со учеството на домашни, така и на турнири во странство. На тој начин успешно се работи на популаризација на оваа спортска дисциплина, која привлекува се поголем број млади луѓе од општините Кочани и Зрновци.

Во Прилеп се одржа првото Државно џудо првенство за ветерани

Првото Државно џудо првенство за ветерани во историјата на Македонија, што се одржа на 14 април во Прилеп, на татамите ги врати македонските џудо ветерани, поранешни шампиони, актуелните тренери и долгогодишни вљубеници во џудото.

Обединeти од желбата заеднички да помогнат во промоцијата на македонското џудо, особено кај помладите, ветераните понудија сосема интересни борби, со многу атрактивни потези, кои дополнително ја зголемија атмосферата во спортската сала „Ристе Ристески – Ричко“ во Прилеп.

Маке Спиркоски беше најдобар во категоријата до 81 килограм, Киро Здравески заврши како втор, додека Диме Џагадуроски беше третопласиран во оваа тежинска категорија. Во категоријата до 90 килограми триумфираше Горан Мицковски, пред Рубин Пеески и Никола Божиновски. Во најтешката категорија, за џудисти над сто килограми, првото место му припадна на Марјан Колев, втор беше Дејан Џикоски, а трет заврши Мето Ангелов.


„Како претседател на натпреваувачката комисија се радувам што еве и оваа старосна категорија доби Државен натпревар и секако во иднина масовноста ќе биде значително зголемена и сакам да го поздравам иницијативниот одбор на ветераните од градот Прилеп на чело со претседателот на одборот Киро Здравески кои со своите активности во изминатиот период придонесоа за реализација на иницијативата и одржување на првото Државно првенство за ветерани“ – рече претседателот на натпреварувачката комисија, Никола Божиновски.

Покрај Државното првенство за ветерани, во Прилеп се одржа и редовното Државно првенство за кадети и кадетки.

Државно џудо првенство за ветерани и ветеранки

Со цел да се обезбеди поголема промоција на џудото, но и да се искористи целото реноме, знаење и искуство на поранешните македонски џудисти како поддршка и мотив на актуелните и идни џудисти, по прв пат во историјата на Македонија ќе се оддржи државно првенство за ветерани и ветеранки.

Согласно пропозициите на турнирот, ветераните не се обврзани да бидат регистрирани за некој клуб, но задолжително треба да ги достават своите пријави на следната е-маил адреса: office@judo.org.mk при што ќе ги наведат следните генералии:
– име
– презиме
– датум на раѓање
– категорија килограми

Првенството ќе биде од пријателски карактер, а со оглед на фактот што истото не е предвидено во бодовната листа на Џудо федерацијата на Македонија нема да им предизвика никаква штета на било кој од клубовите. Сепак, и покрај пријателскиот карактер, лекарскиот преглед, како и полиса за осигурување од спортски повреди ќе бидат задолжителни за сите учесници.

Право на учество имаат и сите тренери, спортски работници и рекреативци.

Турнирот на кој свој настап, но во официјалниот дел ќе имаат и кадетите и кадетките, ќе се одржи на 14. април, од 10,30 часот, во спортската сала при средното општинско училиште „Ристе Ристески – Ричко“ во Прилеп.

Исто така, еден ден порано, на 13. април во Прилеп ќе се одржи седница на собранието на Џудо федерацијата на Македонија.

ПРОПОЗИЦИИ ЗА ДРЖАВНОТО ПРВЕНСТВО ЗА ВЕТЕРАНИ-КИ 2019

ПРОПОЗИЦИИ ЗА ДРЖАВНОТО ПРВЕНСТВО ЗА КАДЕТИ-КИ 2019

Пријава за кадетки

Пријава за кадети

Дневен ред на седницата на Собранието на Џудо федерацијата на Македонија

Државно првенство за пионери/пионерки и сениори/сениорки 2019

ПРОПОЗИЦИИ ЗА ДРЖАВНО ПРВЕНСТВО ЗА ПИОНЕРИ/КИ

Пријава за пионери

Пријава за пионерки

Изјава на родител

Изјава на клуб

ПРОПОЗИЦИИ ЗА ДРЖАВНО ПРВЕНСТВО ЗА СЕНИОРИ/КИ

Пријава за сениори – поединечно

Пријава за сениорки – поединечно

Полагање за појаси во Битола

Во спортската сала на џудо клубот „Пелистер“ од Битола се оддржа полагање за 1 кју кафеав појас и 1 дан црн појас. На полагањето му претходеше состанок на Дан комисијата при Џудо федерацијата на Македонија на кој беа разгледани пристигнатите пријави усвоени доставените кандидатури.

Полагањето за 1 КЈУ кафеав појас успешно го поминаа следниве кандидати:
1. Ангел Ангелов
2. Никола Божиновски
3. Теодора Димеска
4. Марио Цинцароски
5. Јован Најдоски

На полагањето ДАН комисијата додели и осум 1 ДАН црни појаси на следните кандидати:
1. Виктор Иваноски
2. Љубен Андријашевиќ
3. Филип Макаловски
4. Петар Ристески
5. Кристијан Ѓураков
6. Мики Чадамов
7. Амра Фејзула
8. Еди Шерифовски

Џудо федерацијата на Македонија на сите кандидати им честита за успешно положениот испит и им посакува успех во иднина!

Семинар за лиценцирање судии за 2019 година

Чест и задоволство ни е да ве поканиме на семинарот за обновување на лиценци за џудо судии за тековната 2019 година.

Семинарот ќе се одржи во Прилеп, а дополнително ќе бидат доставени програмата , место на одржување и саатница за истиот.

Поканата за семинар се однесува за сите лиценцирани џудо судии и приправници за минатата 2018 година. На семинарот ќе се обновува судиската лиценца за натпреварувачката 2019 година. Постоечки судии со лиценца од 2018 година се должни да уплатат 1.000 денари за обновување на лиценцата. 

Приправниците кои беа евидентирани во 2018 година се должни да уплатат 1.000 денари за продолжување на приправнички стаж и право за полагање во тековната 2019 на наредниот семинар. Уплатата за лиценцирање треба да се изврши на жиро сметка на ЏФМ најдоцна до 18.01.2019 година.

Напомена: Кандидатите со себе да носат копија од извршената уплата. Уплата на лице место не е дозволена и нема да бидат примани финансиски средства на лице место. Уплата треба да се изврши на: Џудо федерација на Македонија – ж-ска: 300000000567389 Комерцијална Банка – Назнака: Судиска комисија – Лиценцирање на судии за 2019

Предавач на семинарот е :
 Томе Јосифоски – IJF континентален судија.

Присуството на семинарот за сите судии од сите категории во  Македонија е задолжително. Судиите кои нема да ја потврдат лиценцата за 2019 година нема да можат да судат на ниеден натпревар организиран под покровителство на Џудо федерацијата на Македонија.

Покана за семинар за лиценцирање на судии 2019